මෙරට සංචාරයක යෙදෙන ඉන්දියානු සාගර කලාපයේ ස්ථානගත කොට ඇති ප්‍රංශ ආරක්ෂක හමුදාවන්හී ඒකාබද්ධ අණදෙන නිළධාරී රියර් අද්මිරාල් ඩිදීයර් ප්ලැටෝන් මහතා (Joint Commander of the French Forces Rear Admiral Didier Platon) සහ ආරක්ෂක මාණ්ඩලික ප්‍රධානී එයාර් චීෆ් මාෂල් කෝලිත ගුණතිලක මහතා අතර හමුවක් ඊයේ (29) ආරක්ෂක මාණ්ඩලික ප්‍රධානි කාර්යාලයේදී සිදු විය.
මෙම අවස්ථාවට ප්‍රංශ තනාපති ජෙඅන් මරින් ස්චබ් මහතා සහභාගි විය.
මෙම සුහද හමුවේදී ද්විපාර්ශ්වික වශයෙන් වැදගත් කරුණු සම්බන්ධයෙන් අදහස් හුවමාරු කර ගත් අතර ප්‍රංශය සහ ශ්‍රී ලංකාව අතර දිගුකාලීන සබඳතා ද සිහිපත් කළේය.
මෙම හමුව අවසානයේ සුහදත්වය සංකේතවත් කරමින් ආරක්ෂක මාණ්ඩලික ප්‍රධානී එයාර් චීෆ් මාෂල් කෝලිත ගුණතිලක මහතා සමරු ඵලකයක් ද පිළිගන්වන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
