එම සිසුන්ට ගුවන් ටිකට් පත් ප්‍රදානය කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් පසුගියදා අරලියගහ මන්දිරයේ දී සිදු කෙරුණා.
මෙ තරගාවලිය ඊයේ (09) ආරම්භ වූ අතර ලබන 13 වැනි දින දක්වා ඉන්දුනීසියාවේදී පැවැත් වේ.
මෙහිදී ගණිත අංශය වෙනුවෙන් එල්. ඩී. පතිරණ (රාජකීය විද්‍යාලය, කොළඹ 07), ආර්. ඒ. එම්. එන් ද සිල්වා (ධර්මපාල විද්‍යාලය, පන්නිපිටිය), ටී. ඒ. බිනුර තේජාන් (ඩී.එස් සේනානායක විද්‍යාලය, කොළඔ 07), ඩී.කේ. ඩී. ටෙසන්යා(දේවි බාලිකා විද්‍යාලය, කොළඹ 08), කේ. එම්. අන්ෆාස් (මෙත්තායිපල්ලි විද්‍යාලය, මඩකලපුව), අයි.බී. දිසානායක (රාජකීය විද්‍යාලය, කොළඹ 07) යන සිසු සිසුවියන්ද විද්‍යා අංශය වෙනුවෙන් අයි.කේ.බී.සන්දිරිගම (මලියදේව පිරිමි විද්‍යාලය, කුරුණෑගල), එස්.වී.කහදගමගේ (රිච්මන්ඩ් විද්‍යාලය, ගාල්ල), නවෝද්‍යා එස්. ලියනපතිරණ (මලියදේව බාලිකා විද්‍යාලය, කුරුණෑගල), ඩී.එම්.ආර්.පී.රත්නවීර මලියදේව බාලිකා විද්‍යාලය - කුරුණෑගල), ආර්.ඩී.එල්.සී.කුලරත්න (බණ්ඩාරවෙල මධ්‍ය මහා විද්‍යාලය) ඩබ්.ඩබ්.ඒ.එච්. දුලාජ් ප්‍රනාන්දු (රාජකීය විද්‍යාලය-කොළඹ 07), එස්.ඩී.එච්. සෙනෙවිරත්න (මලියදේව බාලිකා විද්‍යාලය-කුරුණෑගල) යන සිසු සිසුවියන්ද එක්ව සිටිති.
මෙම ජාත්‍යන්තර තරගය නියෝජනය කිරීමට අවශ්‍ය දැනුම, කුසලතා සහ ආකල්ප සංවර්ධනය කිරීම වෙනුවෙන් ඔලිම්පියාඩ් ජාතික ශූරයින්ට විශේෂ නේවාසික පුහුණු වැඩසටහන් මාලාවක් අධ්‍යාපන අමාත්‍යාංශයේ ප්‍රධානත්වයෙන් පසුගිය දිනවල පැවැත්විණි.
