උඩරට දුම්රිය මාර්ගයේ අද (02) උදෑසන ඉහළ කෝට්ටේ සහ බලන දුම්රිය ස්ථානයන් අතර මාර්ගය ගිලා බැසීමක් සිදු ව ඇත. මේ හේතුවෙන් කොළඹ සිට මහනුවර දක්වා ගමන් කරන දුම්රියයන් රඹුක්කනට ද, බදුල්ලේ සිට පැමිණෙන දුම්රියයන් කඩුගන්නාවට ද සීමා කොට ඇතැයි දුම්රිය සමාන්‍යාධිකාරී බී.ඒ.පී. ආරියරත්න මහතා අප වෙත පැවසීය.
එමෙන් ම උඩරට දුම්රිය මාර්ගයෙන් සිදු ව ඇති මෙම තත්ත්වය හේතුවෙන් මගීන්ට සිදුවන අපහසුතාවට මගහැරීම සඳහා රඹුක්කන සහ කඩුගන්නාව දුම්රිය මාර්ගයන් වෙත බස් රථ සේවාවක් ද ක්‍රියාත්මක කෙරේ.
උඩරට දුම්රිය මාර්ගයේ සිදු ව ඇති ගිලාබැසීම සම්බන්ධයෙන් භූ විද්‍යා පර්යේෂණ අංශ හා සම්බන්ධව නිසි පරිදි යළි සකස් කිරීමෙන් අනතුරුව එම මාර්ගයේ දුම්රිය ගමන් යථාතත්ත්වයට පත්කිරීමට කටයුතු කරන බවත් පෙන්වා දුන් දුම්රිය සාමාන්‍යාධීකාරී අබේරත්න මහතා ඒ සඳහා නිශ්චිත කාලසීමාවක් සඳහන් කිරීමට අපහසු යැයි ද වැඩිදුරටත් පෙන්වා දුන්නේය.
