අද ආරම්භ කරන ලද මීරිගම සිට කුරුණෑගල දක්වා දෙවන කොටසේ දුර කි.මි 39.7 කි. මෙයට අඹේපුස්ස දක්වා දිවෙන කි.මි 9.7 ක දිග පිවිසුම් මාර්ගය ද ඇතුලත්වේ.
මධ්‍යම අධිවේගී මාර්ග ව්‍යාපෘතියේ මීරිගම සිට කුරුණෑගල දක්වා දෙවන කොටස මංතීරු 4කින් යුතුව ඉදිවේ. පැයට කි.මී.100ක වේගයෙන් වාහන ධාවනය කළ හැකි පරිදි නිම කෙරෙන මෙහි අන්තර් හුවමාරු මධ්‍යස්ථාන 5ක් ඇතුලත්ය.
මීරිගම උතුර, නාකුළුගමුව, පොතුහැර, දම්බොක්ක සහ කුරුණෑගල යන ස්ථානයන්හි එම අන්තර් හුවමාරු ස්ථාපිත කෙරේ.
මීරිගම සිට කුරුණෑගල දක්වා ස්ථාන 4ක පාලම් මතින් අධිවේගී මාර්ගය දිවෙන අතර පාලම් වලින් ආවරණය කෙරෙන දුර ප‍්‍රමාණය මීටර් 1095කි. මෙම ව්‍යාපෘතිය වසර 2 1/2 කින් අවසන් කිරීමට සැලසුම් කර ඇති බව එම අමාත්‍යාංශය වැඩිදුරටත් සඳහන් කරයි.
