ඒ මහතා ප්‍රකාශ කළේ තොරතුරු දැන ගැනීමේ අයිතිවාසිකම පිළිබඳ විශේෂ මෙහෙයුම් කාර්යාලයක් ස්ථාපිත කිරීමට නියමිත බවයි.
රජයේ ප්‍රවෘත්ති දෙපාර්තමේන්තුවේ අද (05) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී ඒ මහතා මේ බව සඳහන් කළ අතර මෙම සතියේදී එම කාර්යාලය ආරම්භ කරන බව ද සඳහන් කළේය.
එ‍සේම තොරතුරු දැන ගැනීමේ පනත යටතේ තොරතුරු නිලධාරීන්‍ගේ ලැයිස්තුවක් මේ මස අවසන් වීමට පෙර ලබා ගැනීමට සැලසුම් කර තිබෙන බව ද අමාත්‍යවරයා පෙන්වා දුන්නේය.
මෙම සම්මේලනයේදී ජනමාධ්‍ය ප්‍රතිසංස්කරණ හා ස්වාධීන කොමිෂමක් පිහිටුවීම පිළිබඳ අදහස් ඉදිරිපත් වූ බව අමාත්‍යවරයා වැඩිදුරටත් පැවසීය.
