ඒ අනුව මෙම පාඨමාලාව සදහා වැයවන සියළු වියදම් කොරියාව දරණ බවට එරට සාගර හා ධීවර අමාත්‍යංශය,රාජ්‍ය අමාත්‍ය දිලිප් වෙදආරච්චි මහතා වෙත සහතික වී ඇත .
කොරියානු රජයේ ආරාධනාවකට අනුව ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතා පසුගියදා කොරියාවේ සිදුකල සංචාරයේ ප්‍රථිපලයක් ලෙස මෙම පුහුණු පාඨමාලා ශ්‍රී ලංකාවට හිමිකර ගැනීමට හැකි විය.
එම සංචාරයේදී කොරීයානු සාගර හා ධීවර අමාත්‍යංශයේ නිලධාරීන් සමග පැවැත්වූ සාකච්ජාවන්හි ප්‍රථිපලයක් ලෙස මෙම පුහුණු පාඨමාලා ශ්‍රී ලංකාවට හිමි විය .
දින දහයක මෙම පුහුණු පාඨමාලා කොරියාවේදී පැවැත්වේ. පාඨමාලා සදහා යාමට ඒමට ගුවන් ටිකට්පත් , නවාතැන් පහසුකම්, ආහාරපාන මෙන්ම පාඨමාලාවට අවශ්‍ය සෙසු සියළු පහසුකම් සියල්ල කොරීයානු රජයෙන් ලබා දීමට නියමිත අතර මෙම පුහුණු පාඨමාලා සදහා සුදුස්සන් කඩිනමින් යැවීමට අවශ්‍ය පියවර ගැනීමට ද කටයුතු කරමින් පවති .
ආසියානු කලාපයේ තිරසාර ධීවර කලමනාකරණය උදෙසා සාගර සෞඛ්‍ය ඉහල නැංවීම සදහා වන ජාත්‍යන්තර සමුළුවට සහභාගී වීමට ලංකාවේ තිදෙනෙකුට අවස්ථාව ලබා දීමටද කොරීයානු රජය කැමැත්ත පල කළේය .
AP
