ශ‍්‍රී ලංකා ගුවන් හමුදාවේ 16 වන ගුවන් හමුදාධිපතිතුමන් වශයෙන් පත්වූ එයාර් මාර්ෂල් කපිල ජයම්පති මහතා සිය ධූරයේ වැඩ භාර ගැනීමෙන් අනතුරුව පසුගියදා මහනුවර ඓතිහාසික ශ‍්‍රී දළදා මාළිගාවට පැමිණ දළදා සමිදුන් වැඳපුදා පත් අතර ඉන් අනතුරුව ගුවන් හමුදාධිපතිතුමන් මල්වතු හා අස්ගිරි මහා නායක හිමිවරුන් ද හමු වී ආශිර්වාද ලබාගත්තේය.
එදින ම ඓතිහාසික අනුරාධපුර පූජා භූමියට පැමිණි ගුවන් හමුදාධිපතිතුමන් ඓතිහාසික ශ‍්‍රී මහා බෝධීන් වහන්සේ සහ රුවන්වැලි මහ සෑරදුන් වැද පුදා ගනිමින් ආශිර්වාද ලබා ගත්තේය.
මෙම අවස්ථාවට ගුවන් හමුදාධිපතිතුමන්ගේ පවුලේ සාමාජිකයන් ඇතුළු ගුවන් හමුදා අධ්‍යක්ෂක මණ්ඩලයේ නිළධාරීන් හා අනෙකුත් නිළධාරීන් මෙන්ම සෙසු නිළයන් පිරිසක් ද සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
