රාජ්‍ය අමාත්‍යවරයා පෙන්වා දුන්නේ ජනාධිපතිවරයාගේ නායකත්වය හා අග්‍රාමාත්‍යවරයාගේ නිවැරදි මග පෙන්වීම ඊට හේතු වී ඇති බවය . විදේශ ආයෝජන ගලා එන දිස්ත්‍රික්කය බවට පත්වීමත් සමග කර්මාන්ත කලාපයක් හම්බන්තොටට ලැබෙන බව ද රාජ්‍ය අමාත්‍ය දිලිප් වෙදආරච්චි මහතා සදහන් කළේය .
රාජ්‍ය අමාත්‍ය දිලිප් වෙදආරච්චි මහතාගේ ප්‍රධානත්වයෙන් පසුගියදා හම්බන්තොට සිංගප්පූරු සම්මන්ත්‍රණ ශාලාවේ පැවැත්වුණු හම්බන්තොට දිස්ත්‍රික් සක්‍රිය වෙළද සංගමයේ 2015 / 2016 වසර සදහා වන සම්මාන ප්‍රදානෝත්සවයේදී රාජ්‍ය අමාත්‍යවරයා මේ බව පැවසීය.
දිස්ත්‍රික්කය පුරා විසිරි ඇති වෙළද හා ආංශිත සංගම් හදුනාගැනීම , ඇගයීම , දිරිගැන්වීම හා පිළිගැනීමට ලක් කිරීම . සංගමය පවත්වාගෙන යාම පිළිබද ස්‌වයං තක්සේරුවකට එලබීමට අවස්ථාව සැලසීම . සමාජ යුතුකම් හා වගකීම් පිළිබද ව්‍යවසායකයින් පෙළඹවිම යන මුලික කරුණු පදනම් කර ගනිමින් ත්‍යාග හා සම්මාන ප්‍රදානය සදහා සුදුස්සන් තේරීම සිදුකර ඇත .
මෙහිදී ධීවර හා ජලජ සම්පත් සංවර්ධන රාජ්‍ය අමාත්‍යවරයා , මෙසේද පැවසීය .“ ව්‍යපාරික හා කර්මාන්ත අතින් සීග්‍රයෙන් දියුණු වන දිස්ත්‍රික්කය හම්බන්තොටයි . මෙම දිස්ත්‍රික්කයට විශාල සංචාරක ආකර්ෂණයක් ලැබී තියෙනවා . ඒ අනුවත් හම්බන්තොට ජනතාවගේ ආර්ථිකය සංවර්ධනයට විශාල ශක්තියක් . මේ අනුව විශාල රැකියා ප්‍රමාණයක් බිහි වෙනවා . මම විශ්වාස කරනවා මෙම සංවර්ධන වැඩ පිළිවෙල ක්‍රියාත්මක වෙනකොට මේ හම්බන්තොට පරිවර්තනිය වෙනසකට ලක් වෙයි කියලා . මේ දැවැන්ත සංවර්ධනයත් සමග වක්‍ර රැකියා දහස් ගණනක් බිහි වන බවත් ඒ මගින් අපේ ජනතාවගේ අදායම් ඉහල යන බවත් පැවසීය.
AP
