ශ්‍රී ලංකාවේ විවිධ පාරිසරික තත්ව හා විවිධ පරිණතවීමේ අදියරයන් යටතේ දෙළුම් වල අණුක හා ජෛව රසායනික වර්ගකරණ හා ජලද්‍රාවී ටැනින් හි ජාන ප්‍රකාශනය විශ්ලේෂණය කරමින් සිදුකරන ලද පර්යේෂණ ව්‍යාපෘතිය සාර්ථක ප්‍රතිඵල අත්කර ගෙන තිබේ. ඒ අනුව දෙළුම් වගාව මඟින් ගුණාත්මක තත්වයෙන් ඉහළ වැඩි අස්වැන්නක් ලබා ගැනීමට ඇති හැකියාව පර්යේෂණය මඟින් පැහැදිළි කරගෙන තිබේ. පේරාදෙණිය විශ්ව විද්‍යාලයේ කෘෂිකර්ම පීඨයේ ආචාර්ය ප්‍රදීපා සී.පී. බණ්ඩාරනායක ඇතුළු පර්යේෂණ කණ්ඩායමක් විසින් මෙම පර්යේෂණය සිදුකර ඇත.
ජාතික පර්යේෂණ සභාවේ මූල්‍ය ප්‍රතිපාදන යටතේ කෘෂිකර්ම දෙපාර්තුමේන්තුව සහ පේරාදෙණිය විශ්ව විද්‍යාලයේ කෘෂිකර්ම පීඨය එක්ව මෙම වැඩ සටහන සංවිධානය කර ඇත. විද්‍යා තාක්ෂණ හා පර්යේෂණ අමාත්‍යාංශය යටතේ ක්‍රියාත්මක වන ජාතික පර්යේෂණ සභාව මෙරට විද්‍යා හා තාක්ෂණ ක්ෂේත්‍රයේ පර්යේෂණ දිරිමත් කරමින් එම පර්යේෂණ සඳහා ප්‍රතිපාදන සපයන ප්‍රධාන ආයතනයකි.
AP
