මේ වන විට දිවයින පුරා අස්වැන්න නෙලන දිස්ත්‍රික්ක නවයක වී මිලදී ගැනීම ආරම්භ කර ඇති අතර මේ වන විට වී මෙට්‍රික් ටොන් 11,069 ක් වී අලෙවි මණ්ඩලය මඟින් ඒ ඒ දිස්ත්‍රික්ක තුළ මිලදී ගෙන ඇත. ඒ සඳහා ගොවීන් වෙත රුපියල් මිලියන 449.72 ක මුදලක් බැංකු මඟින් ගෙවා අවසන් කර ඇති බවත්, මෙවර ගොවියන්ගෙන් වී මෙට්‍රික් ටොන් 120,000 ක් මිලදී ගැනීමට වී අලෙවි මණ්ඩලය තීරණය කර ඇති බව වී අලෙවි මණ්ඩලය පවසයි.
අස්වැන්න නෙලන දින අනුව අනිකුත් දිස්ත්‍රික්ක තුලද වී මිලදී ගැනීම ආරම්භ කරන බව වී අලෙවි මණ්ඩලයේ සාමාන්‍යාධිකාරී සමන් පාලිත මහතා පැවසීය. මෙම මිලදී ගැනීම් නොකඩවා සියළු දිස්ත්‍රික්ක තුල ඉතාමත් සාර්ථක අයුරින් වී අලෙවි මණ්ඩල ප්‍රාදේශීය කළමනාකරුවන් මඟින් සිදු කරන බවත් ග්‍රාමීය ආර්ථිකය පිළිබඳ අමාත්‍ය පී. හැරිසන් මහතා ඒ පිළිබඳව නොකඩවා අධීක්ෂණය සඳහා අමාත්‍යංශ නිලධාරීන් කණ්ඩායමක් යොදා ඇති බව හෙතෙම පැවසීය.
AP
