මෙම සම්මන්ත්‍රණය තිරසාර ජාතික සංවර්ධනයක් සඳහා විද්‍යා, තාක්ෂණ හා නවෝත්පාදනයන් භාවිතයට ගැනීම යන තේමාව යටතේ සැප්: 08 දා සිට 10දා තෙක් කොළඹ වෝටර්ස් එජ් හෝටලයේ දී පැවැත්වේ.
ශ්‍රී ලංකා අග්‍රාමාත්‍යවරයා විසින් ප්‍රධාන දේශණය සිදු කළ වාර්ෂික ජපාන STS සම්මන්ත්‍රණය, ශ්‍රී ලංකා STS සම්මන්ත්‍රණය
සඳහා පසුබිම් වී ඇත.
කර්මාන්ත ක්ෂේත්‍රය හා යටිතල සංවර්ධන වැඩසටහන් සඳහා උසස් තාක්ෂණයන් හඳුන්වාදීමේ අරමුණින්, ශ්‍රී ලංකා රජයේ විද්‍යා, තාක්ෂණ හා පර්යේෂණ අමාත්‍යංශය විසින් ප්‍රථම වරට කැඳවනු ලබන මෙම සම්මන්ත්‍රණය එක්සත් රාජධානිය, ඉන්දියා අධ්‍යාපන හා මූලාරම්භය, ජපාන - ශ්‍රී ලංකා නවෝත්පාදන වේදිකාව හා සහයෝගීතාවයෙන් සංවිධානය කෙරේ. මෙහි තාක්ෂණ සැසිය සඳහා JAICA, WIPO, GTZ හා THOMSON REUTERS වෙතින් සහාය ලබා දේ.
සමාරම්භක උළෙලේ ප්‍රධාන දේශනය පවත්වනු ලබන්නේ එක්සත් රාජධානියේ කේම්බ්‍රිජ් විශ්වවිද්‍යාලයේ තාක්ෂණය පිළිබඳ මහාචාර්ය මයිකල් ජේ.කෙලී විසින් සිදු කරන අතර මේ සඳහා ආරාධිතයින් 1200කට අධික සංඛ්‍යාවක් සහභාගිවීමට නියමිතය.
08දා ආරම්භ වන තාක්ෂණ සැසිවල සමාරම්භය අග්‍රාමාත්‍ය රනිල් වික්‍රමසිංහ මහතාගේ සහභාගිත්වයෙන් සිදු වන අතර ජපානයේ STS සම්මන්ත්‍රණ සභාපතීත්වය දරන ජපාන රජයේ හිටපු මුදල් අමාත්‍ය සහ හිටපු විද්‍යා හා තාක්ෂණ අමාත්‍යවරයෙකු වන කෝජි ඕම් මහතා විසින් ප්‍රධාන දේශනය සිදු කරනු ඇත. මැලේසියා අග්‍රාමාත්‍යවරයාගේ විද්‍යා උපදේශක තනතුර සහ BIO - ECONOMY CORPORATION MALAYSIA හි සභාපති ධුරය හොබවන මහාචාර්ය ටෑන් ශ්‍රී සක්රි අබ්දුල් හමීඩ් මහතා විසින් ද මෙහි ආරාධිත දේශනයක් සිදු කරනු ඇත. තාක්ෂණ සැසි සඳහා ආරාධිතයින් 700කට වැඩි පිරිසකගේ සහභාගීත්වය හිමිවනු ඇත.
කොළඹ යෝජනාව ඉදිරිපත් කිරීමෙන් අනතුරුව මෙම සැසිය අවසන් වනු ඇත.
