දිලිප් වෙදආරච්චි මහතා ත්‍රිකුණාමලය ධීවර වරායේ සිදුකල නිරීක්ෂණ චාරිකාවේදී ත්‍රිකුණාමලය ධීවර වරායේ අක්‍රියව පවතින වින්ච් එක හෙවත් ධීවර යාත්‍රා ගොඩබිමට ගැනීමේ යන්ත්‍රය වහා අළුත් වැඩියා කිරීමට පියවර ගන්නා ලෙස
ධීවර වරාය නීතිගත සංස්ථාවේ සාමාන්‍යධිකාරීවරයාට සහ ඉංජිනේරුවරයාට උපදෙස් දෙනු ලැබීය .
ඒ අනුව ඉදිරි සතියේදී අදාළ අළුත් වැඩියා කටයුතු ආරම්භ කරන බව ධීවර වරාය බලධාරීන් රාජ්‍ය අමාත්‍යවරයාට පොරොන්දු වු අතර සියළු අළුත් වැඩියා කටයුතු අවසන් කර මසක් තුළ ධීවර ජනතාවගේ කටයුතු වෙනුවෙන් යෙදවිය යුතු බවද දිලිප් වෙදආරච්චි මහතා උපදෙස් ලබා දී ඇත .
2012 වසරේදී මෙම වින්ච් එක හෙවත් යාත්‍රා මුහුදට යොමු කිරීමේ හා දියබේ සිට යාත්‍රා ගොඩබිමට ගැනීමේ යන්ත්‍රය ස්ථාපිත කර ඇත්තේ රුපියල් ලක්ෂ 150 පමණ මුදලක් වැයකර බවද මෙහිදී අනාවරණය විය . එතරම් මුදලක් වැය කර ස්ථාපිත කල මෙම වින්ච් යන්ත්‍රය වසර දෙකක් යන්නටත් පෙර අක්‍රිය වූ බවට ධීවර ජනතාව චෝදනා කළහ .
AP
