ශ්‍රී ලංකාව තුළ බරවා රෝගය සීඝ්‍රයෙන් පැතිර යෑමක් සිදු නොවන බවත් බරවා රෝගය තුරන් කිරීම සම්බන්ධයෙන් සහතිකය ලබාගෙන තිබෙන බවත් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පැවසී ය.
අමාත්‍යවරයා මේ බව ප්‍රකාශ කළේ, අද (23) පාර්ලිමේන්තුවේ දී මන්ත්‍රී බුද්ධික පතිරණ මහතා යොමු කළ වාචික ප්‍රශ්නයකට පිළිතුරු ලබාදෙමිනි.
දැඩි අවදානම් ප්‍රදේශවල ප්‍රතිකාර ක්‍රියාත්මක කරනවා. රාත්‍රී රුධිර පරික්ෂාව සිදු කරනවා. පසුගිය වසර පහක කාලය තුළ ශ්‍රී ලංකාව තුළ වාර්තා වී ඇති බරවා රෝගීන් සංඛ්‍යාව 661ක්.
රෝග මර්දනයට රජයේ දායකත්වය ප්‍රමාණවත් නොවන බවට විමසා සිටි පැනය පිළි නොගන්නා බවත් පිළිතුරු ලබාදෙමින් අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
