ඒ අනුව ආනයනික ලොකු ලූනු කිලෝ ග්‍රෑම් එකක් සඳහා අය කළ රුපියල් 25ක විශේෂ වෙළෙඳ භාණ්ඩ බද්ද රුපියල් 40 දක්වා ඉහළ දමා ඇත. 2016 අගෝස්තු මස 19 වැනි දා මධ්‍යම රාත්‍රියේ සිට නව බදු සංශෝධනය ක්‍රියාත්මක කෙරේ.
ශ්‍රී ලංකාවට මාසිකව ලොකු ලූනු මෙට්‍රික් ටොන් 12,000ක් පමණ ආනයනය කෙරේ. ඉදිරි යල කන්නයේ දී දේශීය ගොවීන්ගේ ලොකු ලූනු අස්වනු මෙට්‍රික් ටොන් 50,000ක් පමණ වෙළෙඳ පොළට නිකුත් වනු ඇතැයි අපේක්ෂා කරන අතර, එම ගොවීන් ආරක්ෂා කර ගැනීමේ පියවරක් ලෙස මෙම විශේෂ වෙළෙඳ භාණ්ඩ බද්ද ඉහළ නැංවීම සිදු කර ඇත.
2016 ජූලි මස 14 වැනි දා රජය මඟින් නිකුත් කළ අති විශේෂ ගැසට් නිවේදනයට අනුව ආනයනික ලොකු ලූනු කිලෝ ග්‍රෑම් එකක් අලෙවි කළ හැකි උපරිම සිල්ලර මිල වන්නේ රුපියල් 78කි.
