ජාත්‍යන්තර තරුණ දිනය නිමිත්තෙන් දැනට පවත්නා මැතිවරණ ක්‍රියාවලියේ ප්‍රායෝගිකත්වය කියා දීමේ ආදර්ශ මැතිවරණයක් දිවයිනේ පළමු වරට ගාල්ල නගර ශාලවේ දී පසුගිය දා පැවැත්විණ.
මැතිවරණ කොමිෂන් සභාවේ සභපති මහන්ද දේශප්‍රිය මහතාගේ ප්‍රධානත්වයෙන් පැවැති මෙම වැඩසටහන සඳහා දිවයිනේ නන් දෙසින් ගාල්ලට තරුණ පිරිස් සහභාගී වී සිටියේ ය.
මෙම වැඩසටහන යටතේ ගාල්ල නගර ශාලාවේ ඡන්දය ප්‍රකාශ කිරීමේ සිට ගණන් කොට ප්‍රතිඵල නිකුත් කිරීම දක්වා වූ ආදර්ශ මැතිවරණ ක්‍රියාවලියක් ක්‍රියාත්මක කරනු ලැබූ අතර එය ප්‍රායෝගික මට්ටමින් සිදුවීම විශේෂත්වයක් විය.
ගාල්ල නියෝජ්‍ය මැතිවරණ කොමසාරිස් බිමල් ඉන්ද්‍රජිත්ද සිල්වා මහතා විසින් වැඩසටහන සම්බන්ධීකරණය කරන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
