එහිදී ආනයනය කරනු ලැබු දෙනුන්ගෙන් මේ වන විට උපත ලබා ඇති පැටවුන් 2,000 ක් පමණ ජාතික පශු සම්පත් සංවර්ධන මණ්ඩලය සතුව ඇති අනෙකුත් ගොවිපල වෙත බෙදා දීමට මෙහිදී අමාත්‍යවරයා විසින් එහි සභාපති වෙත උපදෙස් දෙන ලදී.
දියර කිරි නිෂ්පාදනය සඳහා වු නවීන යන්ත්‍ර සුත්‍ර වලින් සමන්විත මෙම ගොවිපල තුලින් මේ වන විට දෛනිකව කිරි ලිටර් 30,000 ක් පමණ නිපදවන අතර ඉදිරියේදී මෙහි නිෂ්පාදන ධාරිතාව වැඩිකර ගැනීම සඳහා වු නව ක්‍රමවේදයන් පිළිබඳව මෙහිදී සාකච්ඡා විණි. තවද දේශීය දියර කිරි පරිභෝජන අවශ්‍යතාවයෙන් 40% ක් පමණ නිෂ්පාදනයක් ජාතික පශු සම්පත් සංවර්ධන මණ්ඩලය මඟින් සපුරා ලීමට බලාපොරොත්තු වන බවත් ලබන වසර වන විට වියළි කාලගුණය සහිත ප්‍රදේශ වල ඇති ගොවිපල සඳහා රාජ්‍ය මට්ටමේ සහයෝගය ඇතිව ඉන්දියාවෙන් හා පකිස්තානයෙන් දෙනුන් ආනයනය කිරීමට බලාපොරොත්තු වන බවද මෙහිදී අමාත්‍යවරයා පැවසීය.
මෙම අවස්ථාව සඳහා අමාත්‍යංශ ලේකම් රේනුකා ඒකනායක, ජාතික පශු සම්පත් මණ්ඩලයේ සභාපති මහාචාර්ය එච්.ඩබ්ලිව් සිරිල් මහතා ඇතුළු නිලධාරීන් පිරිසක් සහභාගී විය.
AP
