මද්‍යසාර පිළිබඳ ජාතික සමුළුව පිළිබඳ මාධ්‍ය දැනුවත් කිරීමේ ප්‍රවෘත්ති සාකච්ඡාවට සහභාගී වෙමින් වෛද්‍ය පාලිත අබේකෝන් මහතා මේ බව පැවසී ය. රජයේ ප්‍රවෘත්ති දෙපාර්තමේන්තුවේ දී අද (03) මාධ්‍ය හමුව පැවැත්විණි.
''මතින් නිදහස් ශ්‍රී ලංකාව'' යන තේමාව යටතේ සෞඛ්‍ය, පෝෂණ හා දේශීය වෛද්‍ය අමාත්‍යාංශයේ මානසික සෞඛ්‍ය ඒකකය සහ දුම්කොළ හ මද්‍යසාර පිළිබඳ ජාතික අධිකාරිය එක්ව සමුළුව සංවිධානය කරයි.
ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් ජාතික සමුළුව පැවැත්වෙන අතර සෞඛ්‍ය,පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා ඇතුළු දෙස් විදෙස් අමුත්තන් රැසක් අවස්ථාවට සහභාගීවීමට නියමිතය.
මේ පිළිබඳව අඳහස් දැක්වූ වෛද්‍ය පාලිත අබේකෝන් මහතා සඳහන් කළේ, දුම්කොළ හා මද්‍යසාර පිළිබඳව එකට ප්‍රතිපත්තියක් ගෙනා එකම රට ශ්‍රී ලංකාව බවයි.ශ්‍රී ලංකාවේ මද්‍යසාර භාවිතය (පිරිමි ) සියයට 35%ක් වෙනවා.මද්‍යසාර භාවිතය සියයට 75-80% %ක් පමණ භවිත කරන්නේ නෑ. එය හොඳ දෙයක්. එහෙත් එක් පුද්ගලයෙක් භාවිත කරන මද්‍යසාර ප්‍රමාණය ඉතා ඉහළයි.මෙය ආර්ථිකයට ඉතා විශාල බලපෑමක් සිදු කරනවා. අපේ උත්සහාය මද්‍යසාර භාවිතය පාලනය කර ගැනීම, ඒ සඳහා ජනමාධ්‍යයටත් විශාල සේවයක් ලබාදිය හැකි යැයි පැවසී ය.
මේ අවස්ථාවට සෞඛ්‍ය අමාත්‍යාංශයේ මානසික සෞඛ්‍ය අධ්‍යක්ෂ විශේෂඥ වෛද්‍ය චිත්‍රමාලා ද සිල්වා මහත්මිය, ලෝක සෞඛ්‍ය සංවිධානයේ මානසික සෞඛ්‍ය පිළිබඳ උපදේශකවරයකු වන වෛද්‍ය ඩෑන් රෙක්වී මහතා සහභාගී විය.
