පසුගිය දා ගල්ගමුව යූ බී වන්නිනායක ජාතික පාසලේ නව තෙමහල් ගොඩනැගිල්ල හා විදුහල්පති නේවාසිකාගාරය විවෘත කිරීමේ අවස්ථාවට එක් වෙමින් අමාත්‍යවරයා මේ බව සඳහන් කළේය.
ඒ මහතා ප්‍රකාශ කළේ දරුවන්ගේ අනාගතය සකස් කරදීම වෙනුවෙන් නිවැරදිව සහ නොබියව තීරණ ගන්නට තමා කිසිසේත් පසුබට නොවන බවයි.
සෙසු අමාත්‍යාංශවලට සාපේක්ෂව අධ්‍යාපන අමාත්‍යාංශය පළාත් සභා සමඟ එක් වී ‘ළඟම පාසල හොඳම පාසල’ ජාතික වැඩසටහන සුවිශේෂි වැඩසටහන්ක් ලෙස ක්‍රියාත්මක කර තිබෙන බව ද ඒ මහතා සඳහන් කළේය.
දැනුම පදනම් කරගත් රැකියාභිමුඛ අධ්‍යාපන ක්‍රමයක් සකස් කිරීම වෙනුවෙන් ඉදිරියේ දී පියවර ගන්නා බවත් මෙතෙක් නොවිසඳී ඇති ගුරු මාර ගැටලුට ද ඉදිරියේ ස්ථීර විසඳුම් ලබාදීමට කටයුතු කරන බවත් ඒ මහතා පැවසීය.
