මෙහිදී විදේශ කටයුතු අමාත්‍යංශයේ කාර්ය මණ්ඩලය අමතමින් අමාත්‍ය සමරවීර මහතා ප්‍රකාශ කර සිටියේ ජාත්‍යන්තර ප්‍රජාව විසින් ජනවාරි 08 විප්ලවයෙන් පසු අප වෙත ලබා දුන් අතිවිශාල කීර්ති නාමය මහත් උනන්දුවෙන් තව තවත් ගොඩ නගන බවය. තවද ජාත්‍යන්තර සබඳතා ශක්තිමත් කිරීමට අවශ්‍ය ස්ථාවර දේශපාලන පසුබිම මෙවර මහා මැතිවරණයේ ජනතාව විසින් ලබා දුන් තීරණාත්මක ජන වරමෙන් පැහැදිලි වන බවත් අවධාරණය කළේය.
වෙළද, සංචාරක හා ආයෝජන ප්‍රවර්ධනය කේන්ද්‍ර කරගත් රාජ්‍ය තාන්ත්‍රික ආර්ථික ප්‍රතිපත්ති මාලාවක් ශ්‍රී ලංකා විදේශ කටයුතු ප්‍රතිපත්තියට හඳුන්වාදෙන බව හෙතෙම පැවසීය. තවද ශ්‍රී ලංකා විදේශ කටයුතු අමාත්‍යංශය හා ශ්‍රී ලංකාවේ රාජ්‍ය තාන්ත්‍රික දුත මණ්ඩල ප්‍රතිව්‍යුහගත කිරීම කඩිනමින් සිදු කළ යුතු බවට අවධාරණය කළේය.
