2006 වර්ෂයේදී ත්‍රස්තවාදීන් හා අලිමංකඩ පැවති සටන්වලදී දරුණු ලෙස තුවාල ලැබූ ගැමුණු රෙජිමේන්තුවේ සැරයන් රේමන්ට සිය අත අහිමි වී තිබුණි. මෙම සැරයන්වරයාගේ තතු දැනගත් ආරක්‍ෂක අමාත්‍යාංශීය සේවා වනිතා ඒකකය විසින් රුපියල් 2,88,000/= ක වියදමින් තනන ලද කෘතිම අතක් අමාත්‍යාංශයේ සේවා වනිතා ඒකකයේ සභාපතිනිය වන එස්.බස්නායක මහත්මිය අතින් සැරයන් රේමන් මහතා වෙත ඊයේ ලබා දුන්නාය.
මෙම උත්සවයෙන් අනතුරුව සැරයන් රේමන් මහතාට ආරක්‍ෂක ලේකම් බී.එම්.යූ.ඩී. බස්නායක මහතා හමුවීමටද අවස්ථාව ලැබුණි.
මෙම අවස්ථාව සදහා ආරක්‍ෂක අමාත්‍යාංශයේ සේවා වනිතා ඒකකයේ උප සභාපතිනිය ඉන්දු රත්නායක මහත්මිය සහ සේවා වනිතා ඒකකයේ සාමාජිකාවන් පිරිසක්ද සහභාගී වූහ.
