යුරෝපා සංගමයේ මැතිවරණ නිරීක්ෂණ කණ්ඩායම උතුරු පළාතේ සිය මැතිවරණ නීරීක්ෂණ කටයුතු ආරම්භ කළ බව වවුනියා දිස්ත්‍රික් ලේකම් කාර්යාලයේ මාධ්‍ය ඒකකය සඳහන් කරයි.
මෙම කණ්ඩායම අද(29) දහවල් වවුනියාව දිස්ත්‍රික් ලේකම් කාර්යාලයේ දී දිස්ත්‍රික් ලේකම් එම්.කේ. බන්දුල හරිශ්චන්ද්‍ර මහතා හමු වී මැතිවරණ සූදානම හා ඡන්ද දායකයින්ගේ තොරතුරු විමසා බැලීය.
වවුනියා දිස්ත්‍රික් ලේකම්වරයා ඔවුන් වෙත එම තොරතුරු ලබා දී තිබෙන අතර එම පිරිස ඉදිරි දින කිහිපයේදී උතුරේ අනෙකුත් දිස්ත්‍රිකකවල ද මැතිවරණ නිරීක්ෂණ කටයුතුවන නියැලීමට නියමිත බව මාධ්‍ය ඒකකය වැඩිදුරටත් සඳහන් කරයි.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
