සෞඛ්‍ය සේවා අධ්‍යක්ෂ ජනරාල්වරයා මේ බව සඳහන් කළේ, පසුගිය දා මාර්ස් කොරෝනා වෛරසය පිළිබඳව මාධ්‍ය දැනුවත් කිරීමේ ප්‍රවෘත්ති සාකච්ඡාවකට සහභාගී වෙමිනි.
ශ්‍රී ලංකාවට මාර්ස් කොරෝනා වෛරසය පැමිණීම අවම කර ගැනීමට ගුවන්තොටුපල සම්බන්ධ වැඩපිළිවෙලක් ක්‍රියාත්මක කර තිබෙනවා.ශ්‍රී ලංකිකයන් දකුණු කොරියාවේ සේවය කරන නිසා දකුණු කොරියාවෙන් පැමිණෙන මඟීන් පිළිබඳව අවධානය යොමු කරනවා.දැනට රෝගීන් වැඩි ප්‍රමාණයක් වාර්තා වන්නේ දකුණු කොරියාවෙන්.
ජාත්‍යන්තර සෞඛ්‍ය රෙගුලාසි, ලෝක සෞඛ්‍ය සංවිධානයේ රෙගුලාසි අනුවයි මෙම කටයුතු සිදු කරන්නේ. ගුවන් මඟීන් මෙන් ම ගුවන්තොටුපල සේවකයන්ගේ ද මෙවැනි ආදාසදන පාලනය කර ගැනීම ඉතා වැදගත්.කොරියාවට යනඑන අය දැනුවත් කිරීම ,පරික්ෂා කිරීම සිදු කෙරෙනවා. දැනුවත් කෙරෙන අත් පත්‍රිකා ලබා දෙනවා.
කටුනායක ගුවන්තොටුපල සෞඛ්‍ය මධ්‍යස්ථානය පැය 24 පුරා ම ක්‍රියාත්මකයි.උණ,කැස්ස,හුස්මගැනීමේ අපහසුතා ඇති රෝගීන් පරික්ෂා කෙරෙනවා. සැක කෙරෙන රෝගීන් විශේෂ ප්‍රතිකාර සඳහා යොමු කෙරෙනවා යැයි ද වෛද්‍ය පාලිත මහීපාල මහතා පැවසී ය.
මාර්ස් කොරෝනා වෛරසය පරික්ෂා කිරීම් කටයුතු සිදු කිරීමේ දී කිසිදු ගුවන් මඟියෙකුට අපහසුතාවක් ඇති නොවන පරිදි සිදු කිරීමට කටයුතු කරන බව කටුනායක ගුවන්තොටුපල, සෞඛ්‍ය මධ්‍යස්ථානයේ ප්‍රධානි වෛද්‍ය චමින්ද සල්ගාදු මහතා පවසයි.
ඇතැම් අන්තර්ජාල ,සමාජ ජාල ඔස්සේ වැරදි ප්‍රචාර යන බවත් එවන ප්‍රවෘත්ති වල කිසිදු සත්‍යතාවක් නොමැති බවත් විදේශ රටවල සිට පැමිණෙන මඟීන්ට සිය කැමැත්තෙන් වුවද වෛද්‍ය පරික්ෂාවට යොමු විය හැකි බව වෛද්‍ය චමින්ද සල්ගාදු මහතා දැනුම් දෙයි.
