අපේ යහපාලන රජය දියත්කර තිබෙන වැඩසටහන් රැසක් තිබෙනවා.සුබසාධන,ප්‍රතිලාභ වැඩසටහන්,ජනතාව ජීවත් කරවන වැඩසටහන්,ජනතාවට ශක්තිය ලබාදෙන වැඩසටහන්. අපි සිදු කරන ජනතාවාදී, ප්‍රගතිශීලී වැඩසටහන්වලට ඊර්ෂියා කරන්න එපා, වෛර කරන්න එපා. ජනතාවට සහන ලබාදෙනකොට කලබල වෙන්න එපා. සල්ලිවලින් මැතිවරණවලට කොඩි කණු ගන්න යන්නේ නෑ. කෝටි ගණන් වියදම් කරලා සම්මේලන තියන්න යන්නේ නෑ. රටේ ජනතාවගේ සල්ලිවලින් ලිත් මුද්‍රණය කරන්නේ නෑ.
තමන්ට ගැතිකම් දක්වන එක්තරා රජයේ සේවකයෝ කොට්ඨාශයකට සහන ලබාදෙන්න කටයුතු කර නෑ. අපි සිදු කරන්නේ, සෘජුව ම ජනතාවට ඵලදායී ප්‍රතිලාභ ලබාදීමයැයි ද අමාත්‍යවරයා ප්‍රකාශ කළේ ය.
අමාත්‍යවරයා මේ බව ප්‍රකාශ කළේ,විපක්ෂ නායක නිමල් සිරිපාල ද සිල්වා මහතා විසින් ස්ථාවර නියෝග 23(2)යටතේ අසන ලද ප්‍රශ්නයකට පසුගිය දා (12) අඳහස් දක්වමිනි.
විපක්ෂනායකවරයා විසින් සමෘද්ධි වැඩපිළිවෙල සම්බන්ධව අසන ලද ප්‍රශ්නයට,අධිකරණයේ ඒ සම්බන්ධව නඩුවක් පවතින බැවින් පිළිතුරු ලබාදිය නොහැකි බව අමාත්‍යවරයා පාර්ලිමේන්තුවට දන්වා සිටියේ ය.
