එහෙත් එසේ පැමිණෙන සංචාරකයන් වැඩි පිරිසකගේ නෙතු නොගැටුණු තවත් රමණීය දිය ඇල්ලක් බණ්ඩාරවෙල මහ නගර සභා බල ප්‍රදේශයේ දැකගත හැකි වේ.
ඒ ඇල්ලතොට ඔය ගලාබැසීමෙන් නිර්මාණය වී තිබෙන උසින් අඩි සියයක් (100) පමණ වූ "කිරිඳි ඇල්ල" යි.
බණ්ඩාරවෙල - කොළඹ ප්‍රධාන මාර්ගයේ බණ්ඩාරවෙල සිට දියතලාව දෙසට කිලෝ මීටරයක් ගිය තැන ප්‍රධාන මාර්ගයට ආසන්නයේ ම මෙම දිය ඇල්ල පිහිටා තිබේ. ප්‍රධාන මාර්ගයෙන් මීටර් කිහිපයක් ඈත් ව පිහිටා තිබීමත්, පිහිටීම පෙන්නුම් කරන නාම පුවරුවක් නොතිබීමත්, පිවිසීමට ක්‍රමවත් මාර්ගයක් නොමැතිවීමත් මෙම සුන්දර දිය ඇල්ල සංචාරකයන්ගෙන් මඟහැරීමට හේතු වී තිබේ.
සොබාව සෞන්දර්යය රිසි සේ විඳගැනීමට බදුල්ලට පැමිණෙන සංචාරකයන්ට "කිරිඳි ඇල්ල" සොඳුරු දසුනක් වන බව නිසැකය.
- සමන් හේරත් -
