ඊයේ (05) ඔස්ට්‍රේලියාවේ සිඩ්නි හි පැවැති පුහුණු සැසියේදී දිමුත්ගේ දකුණු අතේ අස්ථියක් බිදී ඇති අති බව වාර්තා වේ. මේ පිළිබදව අන්තර්ජාතික ක‍්‍රිකට් සභාවේ තාක්‍ෂණික කමිටුවට දැනුම් දී ඇති අතර ශල්‍ය වෛද්‍යවරයෙකු විසින් අද (06) දිමුත්ගේ ආබාධය පරික්ෂා කිරීමට නියමිතය.
මෙවර ලෝක කුසලාන තරගාවලියට සහභාගි වූ ශ්‍රී ලංකා සංචිතයේ ආබාධයට ලක්වූ සිවුවැනි ක‍්‍රීඩකයා දිමුත් වේ. මීට පෙර ධම්මික ප‍්‍රසාද්, ජීවන් මෙන්ඩිස් සහ රංගන හේරත් ආබාධයන්ට ලක්වූහ.
ලෝක කුසලාන තරගාවලියේ ශ්‍රී ලංකාව සහ ඕස්ටේ‍්‍රලියාව අතර තරගය මේ මස 8 වැනිදා සිඞ්නිහිදී පැවැත්වේ.
SDF
