සිම්බාබ්බේ ක්‍රිකට් කණ්ඩායමේ ශ්‍රී ලංකා තරග සංචාරය ලබන 6 වැනිදා ආරම්භ වනවා. ඊට සහභාගි වීම සඳහා ශ්‍රී ලංකා එක් දින සහ විස්සයි-20 මූලික සංචිත ප්‍රකාශයට පත් කර තිබේ.
එක් දින සංචිතයට ක්‍රිඩකයින් 21 දෙනෙකු ඇතුළත් අතර එහි උප නායකයා ලෙස චරිත් අසලංක පත් කර ඇත. ඊට අමතරව විස්සයි-20 මූලික සංචිතයට ක්‍රීඩකයින් 22ක් ඇතුළත්. එහි උපනායකත්වයද චරිත් අසලංකට හිමිව තිබෙනවා.
ශ්‍රී ලංකාව සහ සිම්බාබ්වේ කණ්ඩායම් අතර ක්‍රිකට් තරගාවලියට එක් දින තරග 3 ක් සහ විස්සයි-20 තරග 3 ක් ඇතුළත්. එම සියලු තරග කොළඹ ආර්.ප්‍රේමදාස ක්‍රිකට් ක්‍රීඩාංගණයේදී පැවැත්වීමටයි සැලසුම් කර තිබෙන්නේ.
