ශ්‍රී ලංකාව හා පකිස්තානය අතර පවතින ආර්ථික හා වෙළඳපොළ සබඳතාවල වැදගත්කම පිළිබඳව අගමැති ශාරිෆ් මහතා මෙම හමුවේදී අවධාරණය කළේය. දෙරට අතර පවතින ආර්ථික හා වෙළඳ සබඳතාවලට එල්ල වන බාධක හඳුනාගැනීම අත්‍යවශ්‍ය බව ඔහු වැඩිදුරටත් පැවසීය.
දෙරට අතර පෙර ඇති වූ ශ්‍රී ලංකා හා පකිස්තානු ආර්ථික ඒකාබද්ධ කොමිසම මඟින් හවුල් කාර්යය සබඳතා 4ක් වෙළඳ, ආයෝජන, මෝටර් රථ හා සංස්කෘතික සහයෝගය යන අංශවලින් ක්‍රියාත්මක කර සාර්ථක වූ බවත් අගමැති ශාරිෆ් මහතා මෙහිදී පැහැදිලි කරන ලදී.
විවිධ ජාත්‍යන්තර කටයුතුවලදී ශ්‍රී ලංකාව හා පකිස්තානය එකිනෙකාට සහයෝගය දැක්ජ වූ බව සෙනවිරත්න මහත්මිය මෙම හමුවේදී විශේෂයෙන් ප්‍රකාශ කළ අතර මෙම සහයෝගය දෙරට අතර ද්විපාර්ශ්වීය වෙළඳ හා ආයෝජන ක්ෂේත්‍රයන්ගෙන් ඉදිරියට ගෙන යා යුතු බවත් ප්‍රකාශ කළාය.
ශ්‍රී ලංකා ගුවන් හමුදා එයාර් මාර්ෂල් ජයලත් වීරක්කොඩි, පකිස්තානයේ ශ්‍රී ලංකා මහ කොමසාරිස් ඇතුළු පිරිසක් මෙම අවස්ථාවට එක්ව සිටියහ.
SDF
