මෙම තරඟාවලියට ත්‍රිවිධ හමුදා මල්ලවපොර කණ්ඩායම් ඇතුළුව මල්ලවපොර කණ්ඩායම් 10 කින් ක්‍රීඩක/ක්‍රීඩිකාවන් 150 දෙනෙකු පමණ සහභාගි වු අතර ශ්‍රී ලංකා පොලීසිය නියෝජනය කරමින් ක්‍රීඩක/ක්‍රීඩිකාවන් 09 දෙනෙකු සහභාගි විය.

ශ්‍රී ලංකා පොලීසිය නියෝජනය කරමින් මෙම තරඟාවලියට සහභාගි වූ කාන්තා පොලිස් කොස්තාපල්වරියන් වන 9014 රුවිනි ජයරත්න හා 9482 නදුනි ද සිල්වා යන ක්‍රීඩිකාවන් රන් පදක්කම් 01 බැගින් දිනාගත් අතර උප පොලිස් පරීක්‍ෂක ඩී.එම්.ඒ. ගුණවර්ධන ක්‍රීඩකයා හා කාන්තා උප පොලිස් පරීක්‍ෂිකා කේ.ජී.එස්. මධුෂිකා, කාන්තා පොලිස් කොස්තාපල් 4995 වාසනා සඳමාලි යන ක්‍රීඩිකාවන් රීදී පදක්කම් 01 බැගින් දිනා ගන්නා ලදි.

තවද සමස්ත තරඟාවලියේ කාන්තා අංශයේ තෙවන ස්ථානය ශ්‍රී ලංකා පොලිස් කණ්ඩායම හිමිකරගත් අතර පදක්කම් ලැබු ක්‍රීඩක/ක්‍රීඩිකාවන් 05 දෙනා ජාතික සංචිතයට තේරී පත්වීම ද විශේෂ සිදුවීමක් විය.