නිල සංචාරයක් සඳහා ඉන්දියාව බලා පිටත්ව ගිය විදේශ කටයුතු අමාත්‍ය මහාචාර්ය ජී.එල්. පීරිස් මහතා ඉන්දීය විදේශ කටයුතු අමාත්‍ය සුෂ්මා ස්වරාජ් මහත්මිය සමඟ පැවැති විශේෂ සාකච්ඡාවේ දී මේ බව අනාවරණය වූ බව විදේශ කටයුතු අමාත්‍යාංශය පැවසීය.
නොවැම්බර් 14, 2024
ශ්‍රී ලංකාව සමඟ පවත්නා රාජ්‍යතාන්ත්‍රික සබඳතා තවදුරටත් ශක්තිමත් කරමින් නව රජයේ පළමු අයවැයෙන්ම ශ්‍රී ලංකාවේ සංවර්ධන කටයුතු සඳහා ඉන්දීය රුපියල් කෝටි 500ක් එනම් ශ්‍රී ලංකා මුදලින් රුපියල් කෝටි 1,080ක මුදලක් වෙන් කිරීමට ඉන්දීය නව රජය තීරණය කර ඇත.
සංවර්ධන කටයුතු වෙනුවෙන් ශ්‍රී ලංකාවට ලබාදෙන ආධාර ප්‍රමාණය තවදුරටත් ඉහළ නැංවීමට ද අගමැති නරේන්ද්‍ර මෝදි මහතාගේ රජය පියවර ගෙන තිබේ. සෙසු රටවල් සඳහා ක්‍රියාත්මක කරන ආර්ථික හා තාක්ෂණික සහයෝගිතා වැඩපිළිවෙළ යටතේ එම මුදල් ශ්‍රී ලංකාවට ලබාදෙන බව ඉන්දීය විදේශ කටයුතු අමාත්‍යාංශය පැවසීය.
මේ අවස්ථාවේදී ඉන්දියාවේ සහය ඇති ව ශ්‍රී ලංකාවේ ක්‍රියාත්මක ව්‍යාපෘති සම්බන්ධයෙන් සමාලෝචනයක් සිදු කර තිබේ. උතුරු නැගෙනහිර ජනතාවගේ අවශ්‍යතා වෙනුවෙන් ක්‍රියාත්මක නිවාස ව්‍යාපෘතියේ පළමු අදියර සාර්ථකව නිමාවට පත්කරමින් එහි දෙවැනි අදියරට පැමිණ තිබෙන බව ද දුම්රිය යටිතල පහසුකම් ව්‍යාපෘතිය නියමිත දිනට ප්‍රථම අවසන් කිරීමට හැකිවනු ඇති බවද ශ්‍රී ලංකා විදේශ කටයුතු අමාත්‍යවරයා මේ සාකච්ඡාවේදී පෙන්වා දී තිබේ.
NDH/mod
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
