පේදුරුතුඩුවේ සිට දෙවුන්දරතුඩුව බලා රැගෙන යන 43 වෙනි ජාතික ක්‍රීඩා උළෙලේ ගිනි සිළුව කොළඹ බලා රැගෙන යාම ගම්පහ දිස්ත්‍රික් ලේකම් කාර්යාලයේදී පැවති විශේෂ උත්සවයකින් අනතුරුව ත්‍රිවිධ හමුදාවල ක්‍රීඩකයින් සහ ක්‍රීඩා පදනම්වල ක්‍රීඩකයන්ගේ සහභාගීත්වයෙන් යුත් විශේෂ පෙරහැරකින් අද (18) උදෑසන ගමන් ඇරඹීය.
එම අවස්ථාවට පාර්ලිමේන්තු මන්ත්‍රී අජිත් මාන්නප්පෙරුම, බස්නාහිර පළාත් සභාවේ සභාපති සුනිල් විජේරත්න සහ ගම්පහ දිසාපති සුනිල් ජයලත් යන මහත්වරුන් ඇතුලු ගම්පහ දිස්ත්‍රික්කයේ රාජ්‍ය නිලධාරීන් , ක්‍රීඩා නිලධාරීන්, ක්‍රීඩක ක්‍රීඩිකාවන් හා පොලිස් නිලධාරීන් සහභාගි වූහ.
මාතර කොටවිල ක්‍රීඩාංගණයේදී සැප්තැම්බර් 22දා ආරම්භ වන මෙම ක්‍රීඩා උත්සවය 24දා අවසන් කිරීමට නියමිතය. ක්‍රීඩා අමාත්‍යංශය පිහිටුවා වසර 50 ක් සපිරීම ද මෙවර ජාතික මහා ක්‍රීඩා උත්සවයේදී අභිමානයෙන් සැමරීමට කටයුතු යොදා තිබේ.
dmu_gampaha
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
