මෙවර උළෙලේ පළමු ස්ථානය හිමිකරගෙන ඇත්තේ අමෙරිකා එක්සත් ජනපදයයි. ඒ රන් පදක්කම් 46ක්, රිදී පදක්කම් 37ක්, ලෝකඩ පදක්කම් 38ක් ද සමගින් පදක්කම් 121ක් දිනාගනිමිනි.
දෙවන ස්ථානයට පත්වූ බ්‍රිතාන්‍ය පදක්කම් 67ක් දිනාගනු ලැබූ අතර ඒ රන් පදක්කම් 27ක්, රිදී පදක්කම් 23ක් හා ලෝකඩ පදක්කම් 17ක් ලබාගනිමිනි.
තෙවන ස්ථානයට පත්වූ චීනය මෙවර ඔලිම්පික් තරගාවලියේ දී පදක්කම් 70ක් ලැබූ අතර ඊට රන් පදක්කම් 26ක්, රිදී පදක්කම් 18ක්, ලෝකඩ පදක්කම් 26ක් ඇතුළත් වේ.
මෙවර සත්කාරක රට වූ බ්‍රසීලයට පදක්කම් සටහනෙහි 13වැනි ස්ථානය හිමි විය.
සරණාගත කණ්ඩායමක් ද ඇතුළත්ව ලොව රාජ්‍යයන් 206ක් නියෝජනය කරමින් ක්‍රීඩක ක්‍රීඩිකාවන් 11,303ක් මෙවර දින 16ක් පුරා පැවති තරගාවලියට සහභාගි වූහ.
