මේ අවස්ථාව අමතමින් ඌව පළාත් ආණ්ඩුකාරවර නීතිඥ ඇම්.පී.ජයසිංහ මහතා ප්‍රකාශ කළේ මෙය ඌව පළාතට ඉතාමත් සුවිශේෂී අවස්ථාවක් බවත්, මේ සඳහා කටයුතු කළ ඌව පළාත් ප්‍රධාන අමාත්‍ය චාමර සම්පත් දසනායක මහතාටත් ඒ සඳහා කැපවීමෙන් යුතුව කටයුතු කිරීම පිළිබඳ ක්‍රීඩා අමාත්‍ය සාලිය සුමේද සිල්වා මහතාටත් තම ස්තුතිය පුද කරන බවත්ය.
පළාත් ක්‍රීඩා අමාත්‍ය සාලිය සුමේද සිල්වා මහතා අදහස් දක්වමින් සඳහන් කලේ, මෙම ක්‍රීඩා පුහුණු විද්‍යායතනය විවෘත කිරීම එතුමාගේ සිහිනයක් සැබෑ වීමක් ලෙසත් ඉදිරියේදී ජාතික හා ජාත්‍යන්තර මට්ටමේ ක්‍රීඩකයන් බිහි කිරීමටත් තමා උපරිමයෙන් ක්‍රියා කරන බවත්ය.
මෙම අවස්ථාවට අති ගෞරවණීය ශාස්ත්‍රපති ඌව බිංතැන්න දෙපළාතේ ප්‍රධාන සංඝනායක නාපටවල ධම්මානන්ද ස්වාමින්වහන්සේ ඇතුළු විශාල පිරිසක් සහභාගී විය.
AP/DMU-Badulla
