අන්තර් පාසල් මයිලෝ කුසලාන නෙට්බෝල් තරගාවලියේ අවසන් අදියරේ සමාරම්භක උළෙල අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් පසුගිය දා මාතර උයන්වත්ත ක්‍රීඩාංගණයේ දී ආරම්භ විය.
ජූලි 30 වන දා සිට අද (1) දක්වා දින තුනක් පුරා පැවැත්වූ තරගාවලියේ අවසන් අදියරට අවුරුදු 13න් පහළ, 14න් පහළ, 16න් පහළ සහ 18න් පහළ වයස් කාණ්ඩ යටතේ තරග ඇතුළත් වූ අතර ක්‍රීඩිකාවන් 4,000 ක් පමණ ඊට සහභාගි වූහ.
වසර 1991 දී ආරම්භ වූ පාසල් නෙට්බෝල් තරගාවලියට මේ වන විට වසර 25ක් සම්පූර්ණ වන අතර ඒ අනුව මෙවර පැවැත්වෙන්නේ රිදී ජුබිලි තරගාවලියයි. ශ්‍රී ලංකා පාසල් නෙට්බෝල් සංගමය හා සී/ස නෙස්ලේ ලංකා සමාගම සමඟ එක්ව මෙම තරගාවලිය සංවිධානය කර තිබිණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
