මහාරාෂ්ට්‍ර ප්‍රාන්තයේ විජයග්‍රාහී රැලියක් ඇමතීම සඳහා ගුවන් මගින් යාමට ගුවන්තොටුපොළ කරා ගමන් කරමින් සිටියදී පෙරවරු 6.20ට පමණ මේ අනතුර සිදුව තිබේ. ඔහු ගමන් කළ රථය අනතුරට පත් වීමත් සමඟ ඇති වූ හෘදයාබාධයක් නිසා ඔහු මියගොස් ඇති බව මරණ පරීක්ෂණයෙන් හෙළි වී තිබේ. අනතුර සිදුවන විට පසුපස ආසනයේ ඔහු ගමන් කර ඇත. රෝහලට ගෙන යන විටත් ඔහු මියගොස් සිටි බව ඉන්දීය වාර්තා පවසයි. ඔහු මියයන විට 64 වැනි වියේ පසුවිය.
ඉන්දීය නව රජයේ ග්‍රාමීය සංවර්ධන ඇමති ලෙස ගෝපිනාත් මුන්ඩේ මහතාව අග්‍රාමාත්‍ය නරේන්ද්‍ර මෝදී මැතිතුමා විසින් පත් කරන ලද්දේ පසු ගිය සතියේදීය. නරේන්ද්‍ර මෝදී මැතිතුමා ඊයේ මුන්ඩේ මහතාගේ දේහයට අවසන් ගෞරව දක්වමින් පවුලේ ඥාතීන් වෙත සිය සාතිශය සංවේගය ප්‍රකාශ කර තිබේ.
HC
