බාලිකා අධ්‍යාපන අයිතිවාසිකම් වෙනුවෙන් පෙනී සිටි මලාලා 2012 වසරේ පකිස්තානයේ දී තලිබාන් විසින් හිසට වෙඩි තැබීමත් සමඟ මලාලා ලොව පුරා අවධානය දිනා ගත්තාය. එම ප්‍රහාරයෙන් නොසැලුණු ඇය දිගින් දිගටම බාලිකා අධ්‍යාපන අයිතිවාසිකම් වෙනුවෙන් ලොව පුරා සිය ප්‍රචාරක ව්‍යාපාරය ගෙන ගිය අතර 2014 දී නොබෙල් ත්‍යාගය දිනා ගැනීමට ද සමත් විය.
"සිරියානු සරණාගතයින් මෙතරම් කාලයක් නොසලකා හැර ඇති අතර ඔවුන්ගේ හඬ ඇසීමට කෙනෙකු අවශ්‍ය බව විශ්වාස කරන නිසා ලෙබනනයේ සිටීමට තීරණය කළ බව මලාලා පංති කාමරයේ දී රොයිටර් පුවත් සේවයට පවසා තිබේ.
ප්‍රාදේශීය අධ්‍යාපනික ව්‍යාපෘති සඳහා සහාය ලබා දෙන ලාභ නොලබන සංවිධානයක් වන මලාලා අරමුදල මඟින් සිරියානු දේශ සීමාව අසල පිහිටි බෙකා නිම්නයේ පාසලක් සඳහා මූල්‍යමය ආධාර සපයා ඇතැයි ද හින්දු පුවත්පත වාර්තා කරයි. වයස අවුරුදු 14 සිට18 දක්වා ගැහැණු ළමුන 200 ක් සඳහා මෙම සංවිධානයේ ඉඩකඩ වෙන්ව ඇත.
"ලෝකය පුරා වෙසෙන දරුවන් වෙනුවෙන් වැඩිහිටියකු ලෙස ගෙවන මගේ පළමු වන දිනය අද, මම ලෝක නායකයන්ගෙන් ඉල්ලා සිටින්නේ අපි උණ්ඩ වෙනුවට පොත් සඳහා ආයෝජනය කළ යුතුයි" යැයි මලාලා සිය උපන්දින කතාව අතරතුර දී සඳහන් කළාය.
සිරියාවේ යුද්ධය හේතුවෙන් අසල්වැසි රටවලින් පැමිණි මිලියන 4 ක් සරණාගතයින්ගෙන් මිලියන 1.2 ක් සඳහා ලෙබනනය නිවහනක් වී ඇත. ලෙබනනයේ 500,000 පමණ පාසල් යන වයසේ සිරියානු දරුවන් සිටින නමුත් ඉන් පහෙන් එකක් පමණක් විධිමත් අධ්‍යාපනයක් ලබති.
SDF
