ඇමෙරිකාවේ ලොස්ඇන්ජලීස් නුවර බෞද්ධ විහාරයේ නව චෛත්‍ය රාජයාණන් වහන්සේගේ කොත් කැරැල්ල නිරාවරණය කිරීම හා විහාර මන්දිරය විවෘත කිරීම නිමිත්තෙන් දෙදින පිංකම එළඹෙන සිකුරාදා (15) ආරම්භ කිරීමට නියමිතය.
නව චෛත්‍යයේ නිධන් කිරීම සඳහා වන සර්වඥ ධාතු කරඬුව මෛත්‍රීපාල සිරිසේන ජනපති, ආචාර්ය ඉත්තෑපානේ ධම්මාලංකාර කොට්ටේ ශ්‍රී කල්‍යාණි ධර්ම මහා සංඝ සභාවේ මහානායක හිමියනට පසුගිය දා පිරිනැමීය.
කෝට්ටේ නාග විහාරාධිපති මාදුළුවාවේ සෝභිත හිමියෝ ද, පැලවත්තේ පුඤ්ඤරතන හිමියෝ ද, දායක සභාවේ චන්ද්‍රසිරි පෙරේරා මහතා ද මේ අවස්ථාවට සහභාගී වූහ.
ලොස්ඇන්ජලීස් නුවර පදිංචි පී ඇම් සරත්චන්ද්‍ර හා කුමාරි සරත්චන්ද්‍රගේ අනුග්‍රහයෙන් ලොස් ඇන්ජලීස් පන්සල 1992 දී ඇරැඹිණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
