“නේපාලයේ ඇති වූ දරුණු භූමිකම්පාවෙන් 4,800කට අධික සංඛ්‍යාවක් මිය ගොස් ඇත. 9,200කට අධික සංඛ්‍යාවක් තුවාල ලබා ඇත. මිලයන 08ක් විපතට පත්ව ඇත. අවතැන් වූ මිලියනයක් පමණ ළමුන් ට සහය අවශ්‍යයි.“ යැයි සීඑන්එන් පුවත් සේවය අද උදෑසන (29) වාර්තා කර ඇත.
මේ වන විට ජාත්‍යන්තර වශයෙන් සහන සේවා, ආහාරපාන, ඖෂධ ඇතුළු වෛද්‍ය උපකරණ නේපාලය වෙත ලැබෙමින් පවතින නමුත් එය ප්‍රමාණවත් නොවන බව ඊයේ එක්සත් ජාතීන්ගේ සංවිධානය පවසා සිටියේය.
භූමි කම්පාවෙන් විපතට පත්ව නිවාස අහිමිව සිටින ජනතාව සුළි කුණාටු හා වර්ෂාවෙන් ද පීඩා විදිමින් සිටියි. ඉදිරි දිනවලදී ද මෙම ප්‍රදේශවලට අයහපත් කාලගුණ තත්වයක් පැවතිය හැකි බවට කාලගුණ නිවේදනයන්ද නිකුත් කර ඇත.
කත්මන්ඩු නුවර හා ඒ අවට ජීවත් වන දහස් ගණනක ජනතාව එළිමහනේ හතරවන දිනටත් විවෘත පරිශ්‍රයන්හි රාත්‍රිය ගත කරමින් සිටිති. ආහාරපාන, පානීය ජලය සහ විදුලි බලය ප්‍රමාණවත් තරම් නොමැතිබැවින් ද අවට පරිසරය අපිරිසිදු වීම හේතුවෙන් ද රෝග ආදිය වේගයෙන් පැතිරීමේ අවධානම ද ඉහළ යමින් පවතියි.
SDF
