′සාමය සහ සංවර්ධනය′ යන මැයෙන් මෙම ජාතික වැඩසටහන සංවිධානය කොට තිබුනු අතර සංචාරක හා ක්‍රීඩා අමාත්‍යාංශය විසින් වැඩසටහන සංවිධානය කොට තිබිණ. එමෙන් ම අධ්‍යාපන අමාත්‍යාංශය, සමාජ සේවා අමාත්‍යාංශය සහ රාජ්‍ය පරිපාලන අමාත්‍යාංශයේ සම්බන්ධීකරණ දායකත්වය ද මෙයට හිමි විය.
අමාත්‍යවරයාගේ ප්‍රධානත්වයෙන් පැවැති මැරතන් තරගය සහ පාගමන සඳහා බොහෝ පිරිස් සහභාගී වී සිටි අතර පාසල් දුවා දරුවන් රැසකගේ දායකත්වය ඒ සඳහා හිමි වූහ. රටක සංවර්ධනයට ක්‍රීඩාව දක්වන දායකත්වය සහ ක්‍රීඩාශීලී ප්‍රජාවක අවශ්‍යතාවය මෙහි දී අමාත්‍යවරයාගේ විශේෂ අවධානයට ලක් විය. අධ්‍යාපනය පරිපුර්ණ වීමට නම් ක්‍රීඩාව අත්‍යවශ්‍ය සාධකයක් බවත් නුදුරේදීම ජාත්‍යන්තර ක්‍රීඩාංගණයක් නුවරඑළිය කේන්ද්‍ර කොටගෙන ඉදි වීමට අවශ්‍ය කටයුතු සම්පාදනය කරන බවටත් ඒ මහතා මෙහි දී සඳහන් කර සිටියේ ය.
මෙම අවස්ථාව සඳහා පාර්ලිමේන්තු මන්ත්‍රී රාජ දොරේයි මහතා, දිස්ත්‍රික් ලේකම් කේ.එච්.ඒ මීගස්මුල්ල මහත්මිය, ලෝක සෞඛ්‍ය සංවිධානයේ නියෝජිතයින්, සංචාරක හා ක්‍රීඩා අමාත්‍යාංශයේ ලේකම් තුමන් ප්‍රමුඛ නිලධාරීහු රැසක් සහභාගී වී සිටිය හ. මෙරටට ජාත්‍යන්තර ජයග්‍රහණ රැසක් අත් කරදුන් නිලුක කරුණාරත්න සහ සුගත් තිලකරත්න යන ක්‍රීඩාකයින් දෙපළද මේ අවස්ථාව සඳහා සහභාගී වී සිටිය හ.
SDF
