මේ දිනවල ශී‍්‍ර ලංකාවේ චාරිකාවක නිරතව සිටින ටොම් මහතා පසුගියදා උතුරු - නැගෙනහිර පළාත්වල සංචාරයක නිරත විය. මුලතිව් හිදී සහකාර රාජ්‍ය ලේකම්වරයා විසින් යුද්ධයෙන් ජීවිත අහිමි වූ පාර්ශවයන් සියලූ දෙනා සිහිපත් කරන ලදී.
ටොම් මහතා ටුවිටර් පිටුවේද මේ පිළිබඳ ඡායාරූපයක් ද එක් කරමින් සටහනක් තබමින් පවසා ඇත්තේ මෙවැනි විනාශයක් ඉදිරියේ දී ඇති නොවීමට ශී‍්‍ර ලංකාව වගබලා ගත යුතු බවයි. වසර 30ක් පුරා පැවැති යුද්ධය හේතුවෙන් අහිමිව ගිය අවස්ථාවන් බොහොමයක් යළි අත්පත් කර ගැනීමට දැන් ශී‍්‍ර ලංකාවට අවස්ථාව ලැබී ඇත. ඒ වෙනුවෙන් ශී‍්‍ර ලංකාවට සහයෝගය ලබාදීමට ඇමෙරිකාව සූදානමින් සිටි බව ද ඒ මහතා පෙන්වා දී තිබේ.
ශී‍්‍ර ලංකාවේ සිදු වූ බවට කියැවෙන මානව හිමිකම් කඩවීමේ සිද්ධීන් පිළිබඳ සොයා බැලීමට ශී‍්‍ර ලංකා රජය උනන්දු කරවන බවද ඇමෙරිකාව කියා සිටියි.
ශී‍්‍ර ලංකා නව රජය වර්තමානයේ ගෙන ඇති ඇතැම් තීරණ සම්බන්ධයෙන් ද ඇමෙරිකාව ප‍්‍රශංසාව පළ කරන බව ටොම් මලිනොවුස්කි මහතා කියා සිටී. යුද්ධයෙන් පසු වත්මන් රජය ඇතැම් අසීරු තීරණයන් ද ගෙන ඇත. එවැනි තීරණ රටේ තිරසාර සංවර්ධනයට අනිවාර්ය බවත් අතීතය අමතක කිරීමෙන් තිරසාර සාමයක් අත්කර ගත නොහැකි බවත් ඔහු වැඩිදුරටත් පෙන්වා දෙයි.
NDH/priu
