මෙරට ජ්‍යේෂ්ඨතම මාධ්‍යවේදියෙකු වු මහින්ද අබේසුන්දර මහතාගේ අභාවය මාධ්‍ය ක්ෂේත‍්‍රයට පමණක් නො ව මුළු මහත් රටටම පිරිමැසිය නොහැකි අඩුවක් බව පුද්ගලික ප‍්‍රවාහන සේවා අමාත්‍ය සී.බී. රත්නායක මහතා පවසයි.
වසර 50කට අධික කාලයක සිට මුද්‍රිත හා විද්‍යුත් මාධ්‍යයන් ඔස්සේ සිය දක්ෂතා පිළිබිඹු කරමින් ජනතා මෙහෙවරක නිරත වීමට එතුමාට හැකි විය. එතුමා විසින් රචිත ”ආගිය කතා” බොහෝ දෙනා අතර ප‍්‍රකට ලිපි මාලාවක් වූ අතර ස්වාධීන රූපවාහිනිය මඟින් විකාශනය වූ ”විපරම” හා ”විමසුම” සමාජ සංවාද වැඩසටහන් ද බෙහෙවින් ජනප‍්‍රිය විය.
ජ්‍යේෂ්ඨ මාධ්‍යවේදී මහින්ද අබේසුන්දර මහතා මෙරට මාධ්‍ය ක්ෂේත‍්‍රය තුළ නොමියෙන නාමයක් සනිටුහන් කර ඇති බව පැවසු අමාත්‍යවරයා ඒ මහතාට නිවන් සුව ප‍්‍රාර්ථනා කර සිටියි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
