මහියංගනය - නාගදීප ව්‍යාපාරයට අවශ්‍ය ප්‍රමාණවත් ජලය ලබාදීම සඳහා බිලියන 2 1/2ක් එම ව්‍යාපෘතිය සඳහා යොදවා ඇත. එහි 50%කින් ඉදිකිරීම් කටයුතු අවසන් කොට ඇත. මොනරාගල දිස්ත්‍රික්කයට ජලය ලබාදීම සඳහා උමා ඔය ව්‍යාපෘතිය ක්‍රියාත්මක කෙරේ. හම්බන්තොට ගිං ගඟ - නිල්වලා ගඟ ව්‍යාපෘතිය සම්බන්ධයෙන් අධ්‍යයන කටයුතු සිදු කරමින් පවතී.
වාරි ව්‍යාපෘති සඳහා පරිසර ඇගයීම් සිදු කිරීම සඳහා පමණක් වසර දෙකකට වඩා වැඩි කාලයක් ගත වන බව පෙන්වාදුන් වාරිමාර්ග අමාත්‍යවරයා ජල අවශ්‍යතාව සැපිරීම සඳහා ජල ව්‍යාපෘති රැසක් ක්‍රියාත්මක කරමින් පවතින බවත් පෙන්වා දුන්නේය.
වත්මන් ආණ්ඩු කාලයේ දී ජනතාවට තෘප්තිමත් විය හැකි සංවර්ධනයක් ඇති වී ඇති බවත් ජනතාවට අවශ්‍ය වන්නේ දර්ශකයන් නො ව සංවර්ධනය බවත් අමාත්‍යවරයා වැඩිදුරටත් පැවසීය.
අමාත්‍යවරයා මේ බව ප්‍රකාශ කළේ අද (07) ශ්‍රී ලංකා නිදහස් පක්ෂ මූලස්ථානයේ පැවැති ප්‍රවෘත්ති සාකච්ඡාවකට එක්වෙමිනි.
DB
