මෙම වැඩපිළිවෙළ යටතේ ගලිගමුව මැතිවරණ කොට්ඨාසයේ වේරගොඩ පුරාණ ගල්ලෙන් විහාරස්ථානයේ අභිනවයෙන් ඉදි කළ විහාර මන්දිරය පසුගිය දා කෑගල්ල දිස්ත්‍රික් පාර්ලිමේන්තු මන්ත්‍රී කනක හේරත් මහතා අතින් සඝ සතුකොට පූජා කෙරිණි.
වළගම්බා අතීතය තෙක් දිවෙන මෙම පුරාණ විහාරස්ථානයේ ධර්ම ශාලා ගොඩනැගිල්ල ඇතුළු පෞරාණික ගොඩනැගිලි අබලං තත්ත්වයක පැවති අතර ගම්වාසීන්ගේ ආගමික කටයුතු සඳහා සුදුසු බුදු මැදුරක අවශ්‍යතාව ගම්වාසීන් සබරගමු මහ ඇමති මහීපාල හේරත් මහතාගේ අවධානයට යොමුකර තිබිණි.
එහි ප්‍රතිඵලයක් වශයෙන් නව විහාරස්ථානයක් ඉදිකිරීම සඳහා පළාත් සභාව රුපියල් පන්ලක්ෂයක මූල්‍යාධාර ලබාදී තිබිණි.
එම ගල්ලෙන් විහාරස්ථානය ආසන්න හත්නාගොඩ - පුවක්ගහමඩිත්ත දුෂ්කර මාර්ගය සංවර්ධනය කිරීමෙන් අනතුරුව ජනතා අයිතියට පැවරීම පාර්ලිමේන්තු මන්ත්‍රී කනක හේරත් මහතා අතින් සිදු විය. ඒ සඳහා පළාත් සභාව වැය කර ඇති මුදල රුපියල් දෙලක්ෂයකි.
DB
