නව ස්වයංරැකියා අවස්ථාවක් ලෙස පුහුණු කරනු ලබන මේ වැඩසටහන නුවරඑළිය ප්‍රාදේශීය ලේකම් කාර්යාලයේ වනිතා කටයුතු ඒකකයේ සම්බන්ධීකරණයෙන් ක්‍රියාත්මක කෙරේ. මෙම පුහුණු වැඩසටහන දින 10ක් තුළ අදියර 10ක් යටතේ ක්‍රියාත්මක පැවැත්වේ. අද (05) දින මෙහි තෙවන අදියර පැවැත්වේ.
නුවරඑළිය දිස්ත්‍රික්කයේ කාන්තා සමිති 20කට ආසන්න ප්‍රමාණයක් නියෝජනය කරමින් කාන්තාවන් 40කට ආසන්න ප්‍රමාණයක් මෙම පුහුණු වැඩසටහන සඳහා සහභාගී වී සිටිති. ඒ අනුව ඔවුන්ට මාල, කරාබු, අත් පළඳනා , විවිධ උත්සව පළඳනා සහ මැහුම්ගෙතුම් පිළිබඳව ප්‍රායෝගික පුහුණුවක් ලබා දීම සිදු කරන අතර මේ සඳහා උපදේශන සේවාවන් ද සිදු කරයි. ලබන මස දී මෙම ස්වයං නිර්මාණකරුවන් ඇගයීම සඳහා ප්‍රාදේශීය මට්ටමේ ප්‍රදර්ශනයක් ද සංවිධානය කිරීමට නියමිතය.
NDH/SH-dmu nuwaraeliya
