මහනුවර ඇසළ පෙරහර නැරඹීම සඳහා වෙනත් වසරවලට වඩා සැලකිය යුතු පිරිසක් පැමිණෙතැයි විශ්වාස කරන බවත් ඒ ජනතාව සඳහා ප්‍රමිතියෙන් තොර ආහාරපාන අලෙවි කරන වෙළෙඳුන්ට එරෙහිව නීතිය තදින් ක්‍රියාත්මක කරන බවත් මහනුවර දිස්ත්රික් ලේකම් ගාමිණි සෙනෙවිරත්න මහතා පැවසීය.
ආහාරපාන සහ සෞඛ්‍ය කටයුතු පිළිබඳ මෙම වසරේදී වඩාත් සැලකිලිමත් වන බව පැවසූ දිසාපතිවරයා අධික මිල ගණන් යටතේ හෝ ප්‍රමිතියෙන් තොරව ආහාරපාන අලෙවි කරන වෙළෙන්දන් වැටලීම සඳහා දිස්ත්රික් ලේකම් කාර්යාලයේ පාරිභෝගික කටයුතු අංශය සහ කිරුම් මිනුම් ප්‍රමිති සේවා අංශ යොදවා ඇති බවද පැවසීය. එවැනි පැමිණිලි වෙතොත් ඒවා දිස්ත්රික් ලේකම් කාර්යාලයට යොමු කරන ලෙස ද දිසාපතිවරයා දැනුම් දෙයි.
NDH/TA-dmu kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
