ලෝක වෙළෙඳපොළ තුළ බොරතෙල් මිල ස්ථාවරව පැවතීමත් 2013 වසර තුළ හඳුන්වා දුන් පිරිවැය පිළිබිඹු වන මිල ප්‍රතිපත්තියත් නිසා ලංකා ඛනිජතෙල් නීතිගත සංස්ථාව 2014 වසරේ පළමු මාස 04 තුළ රුපියල් බිලියන 02ක ලාභයක් වාර්තා කර ඇත. 2013 වසරේ වාර්තාගත අලාභය රුපියල් බිලියන 08කි. 2014 අප්‍රේල් 30 දිනට ලංකා ඛනිජතෙල් නීතිගත සංස්ථාව රාජ්‍ය බැංකුවලට ගෙවිය යුතු ණය ශේෂය රුපියල් බිලියන 378 දක්වා අඩු වී ඇති අතර 2013වසර අවසානයේ එම ශේෂය රුපියල් බිලියන 419ක්ව පැවතිණි.
ලංකා ඛනිජතෙල් නීතිගත සංස්ථාවේ ද්‍රවශීලතා මට්ටම වැඩිදියුණු කිරීම සඳහා රාජ්‍ය ආයතන මඟින් ලංකා ඛනිජතෙල් නීතිගත සංස්ථාව වෙත නොපියවා පැවති දිගු කාලීන ණය ශේෂ වෙනුවෙන් මහා භාණ්ඩාගාරය විසින් 2014 පෙබරවාරි මාසයේදී රුපියල් බිලියන 30.69ක වටිනාකමක් සහිත භාණ්ඩාගාර බැඳුම්කර නිකුත් කරන ලදී. ශ්‍රී ලංකන් ගුවන් සමාගම හා මිහින් ලංකා සමාගම මඟින් ගෙවිය යුතුව පැවති රුපියල් බිලියන 26.11ක මුළු මුදල 2014 වසරේ පළමු කාර්තුව තුළ නිරවුල් කරන ලදී.
NDH
