ආයුධ සංස්කෘතිය සම්පූර්ණයෙන්ම පිටුදැක සියලු ජාතීන්ට නිදහසේ තම ජීවනෝපාය සලසා ගනිමින් රටේ ඕනෑම තැනක නිදහසේ ජීවත්වීමේ ඓතිහාසික කාර්ය ජනාධිපති මහින්ද රාජපක්ෂ මැතිතුමා ඉටු කර තිබෙන බව ද අමාත්‍යවරයා පෙන්වා දුන්නේය. දශක 3ක යුද්ධය හේතුවෙන් අධ්‍යාපනයේ සංවර්ධන අවස්ථාවන් රැසක් නැති වූ බව පෙන්වා දුන් අමාත්‍යවරයා යුද්ධයෙන් රටක් විනාශ වීම හැර රට‍කට නව අගයක් ලෝකයේ කිසිදු තැනක එකතු වී නැති බව ද පෙන්වා දුන්නේය.

කොරියානු රජය විසින් නැගෙනහිර අධ්‍යාපන සංවර්ධනය සඳහා රුපියල් මිලියන 200ක් ලබා දී තිබේ. උතුරු පළාත සඳහා රුපියල් මිලියන 500ක් ලබා දුන් බවත් දිවයින පුරා උසස් පෙළ තාක්ෂණවේදී විෂය ධාරාව සඳහා ගුරුවරුන් පුහුණු කිරීමේ තාක්ෂණ විද්‍යා පීඨයක් සඳහා ඇමෙරිකන් ඩොලර් මිලියන 10කට ආසන්න මුදලක් කොයිකා ආධාර ලබාදීමට කොයිකා ආයතනය මේ වන විට එකඟත්වය පල කර තිබෙන බවත් අමාත්‍යවරයා පෙන්වා දුන්නේය.