තේ වගාවේ සංවර්ධනය සඳහා රජය විසින් පියවර රැසක් ගෙන ඇත. තේ නැවත වගා කිරීමේදී රජය මඟින් හෙක්ටයාරයකට රුපියල් 3,50,000 සහනාධාරයක් ලබාදේ. නව තේ වගාවකදී හෙක්ටයාරයකට රුපියල් 2,50,000 ක් ද, වගා පාළු සිටුවීම සඳහා තේ පැළයකට රුපියල් 25.00 ක සහනාධාරයක්ද ලබාදේ. එසේම රජය විසින් සියලු වගාවන් සඳහා ලබාදෙන පොහොර සහනාධාරය තේ වගාව සඳහා ද හිමිවේ.
තේ වගාවේ සංවර්ධනය සඳහා මෙම සහනාධාරයන්ට අමතරව පාංශූ සහ ජල සංරක්ෂණ සඳහා වාර්ෂිකව කුඩා තේ ඉඩම් හිමියන්ට රුපියල් 5000ක් ලබාදීමට මෙම වැඩසටහන යටතේ රජය විසින් පියවර ගෙන ඇත.
තේ නිෂ්පාදනය සඳහා කුඩා තේ ඉඩම් හිමියන් විසින් දක්වන දායකත්වය ඉහළ අගයක් ගනු ලබන අතර සමස්ත තේ ඉඩම් ප‍්‍රමාණයෙන් 51%ක් කුඩා තේ ඉඩම් හිමියන් විසින් වගා කරනු ලබයි. 2013 වසරේදී සමස්ත තේ නිෂ්පාදනයෙන් 72%ක් සඳහා දායකත්වය ලබාදී ඇත්තේ කුඩා තේ ඉඩම් හිමියන් විසිනි.
මෙම අවස්ථාවට අමාත්‍යවරුන් වන මහින්ද සමරසිංහ, පවිත‍්‍රා වන්නිආරච්චි, සබරගමු පළාත් ප‍්‍රධාන අමාත්‍ය මහීපාල හේරත් ඇතුළු විශාල පිරිසක් එක්ව සිටියහ.
DB
