මේ ව්‍යාපෘතියේදී ඇට හා පොතු ඉවත් කළ ග්‍රෑම් 200ක පලතුරු සහිත පෙට්ටියක් රුපියල් 25.00ක මිලකට පාසල් ළමුන්ට අලෙවි කරනු ලැබීය. මේ පාසල තුළින් නියමු ව්‍යාපෘතිය සාර්ථක වූ නිසා මහනුවර උසස් බාලිකා විද්‍යාලයෙන්, මහනුවර මහාමායා බාලිකා විද්‍යාලයෙන්, මාතර සුජාතා හා රාහුල විද්‍යාල, තෙලිජ්ජවිල මධ්‍ය මහා විද්‍යාලය, කොළඹ රෝයල්, විශාකා, සිරිමාවෝ බණ්ඩාරනායක විද්‍යාල, හෝමාගම මහින්ද රාජපක්ෂ හා හොරණ තක්ෂිලා විද්‍යාලවල ද පලතුරු අලෙවි කුටි විවෘත කිරීමට ආරාධනා ලැබුණු බව අධ්‍යක්ෂවරයා ප්‍රකාශ කළේය.
හොරණ පාසල් 05ක් හා ගාල්ල දිස්ත්‍රික්කයේ පාසල් 15ක් පසුගියදා පලතුරු අලෙවි කුටි පාසල තුළ ස්ථාපිත කිරීම පිළිබඳ ව සාකච්ඡා පැවැත්වූ බව ද ඔහු කීය. මේ පාසල් සඳහා තෙවන පාසල් වාරයේ පළමු දින සිට පලතුරු අලෙවි කුටි විවෘත කිරීමට අපේක්ෂිත බවත් මේ ව්‍යාපෘතිය නිසා රැකියා අවස්ථා වැඩි ප්‍රමාණයක් බිහිවන බවත් අධ්‍යක්ෂවරයා සඳහන් කළේය.
මෙරට පලතුරු ක්ෂේත්‍රය ගෙවතුවලට පමණක් සීමා වී ඇති නිසා කර්මාන්තයක් ලෙස ඉදිරියට නොඑන බවත් ඉතා ඉක්මනින් පලතුරු වෙළෙඳපොළක් ශ්‍රී ලංකාවේ සැකසිය යුතු බවත් ඔහු වැඩිදුරටත් කීය.
NDH
