මෙහි දී සුනාමියෙන් මිය ගිය පුද්ගලයින්ට පින් පැමිණ වීම සහ සුනාමි ස්මාරකය වෙත පුෂ්පෝහාර දැක්වීම සිදුවිය.
2004 වර්ෂයේ සිදුවූ සුනාමි ඛේදවාචකයට මුහුණ දුන් පැරෑලිය දුම්රිය අනතුර සිහිපත් කරමින් ඊයේ පෙ.ව.9.27 ට දුම්රිය එම ස්ථානයට පැමිණි අතර, ඉන් බැසගත් දුම්රිය නිලධාරීන් සහ පිරිස් සුනාමි ස්මාරකය අබියසට ගොස් පුෂ්පෝහාර දැක් වීම සිදු කරන ලදී.
මේ අවස්ථාවට දිස්ත්‍රික් ලේකම් එස් ටී කොඩිකාර, ජාතික ආපදා කළමනාකරණ මධ්‍යස්ථානයේ සහකාර අධ්‍යක්ෂ ඩී එල් එස් සේනාධීර , 58 සේනාංකාධිපති මේජර් ජෙනරාල් සුගත් පෙරේරා යන මහත්වරුන් පිරිසක් එක්ව සිටි අතර සුනාමියෙන් මිය ගිය පිරිස් වෙත පින් පැමිණ වීම සඳහා සර්ව ආගමික වතාවත් ද එම අවස්ථාවේ දී සිදු විය.
