මෙම සිද්ධිය හේතුකොට ගෙන පසුගිය 17 දා පස්වරු 6.00 සිට ඊයේ (18) පෙරවරු 9.00දක්වා ද ඇඳිරිනීතිය පැනවීමට පොලීසිය ක්‍රියා කළ අතර මෙම ප්‍රදේශවල පොලීසියේ සහ පොලිස් විශේෂ කාර්යය බලකා නිලධාරීන් 300ක් පමණ ආරක්ෂාව සඳහා යොදවා ඇත.
මෙන් ම ගාල්ල ගිංතොට ප්‍රදේශයේ ඇති වූ සිද්ධිය සම්බන්ධයෙන් විශේෂයෙන් සමාජ ජාලා මාධ්‍ය ඔස්සේ මෙන් ම වෙනත් ආකාරයෙන් අන්තවාදී පිරිස් විසින් නොයෙකුත් අසත්‍ය ප්‍රචාර පතුරවමින් සිටින බවත් එවැනි පුද්ගලයින් අත්අඩංගුවට ගෙන දැඩිව නීතිය ක්‍රියාත්මක කිරීම සඳහා පොලීසිය කටයුතු කරමින් සිටින බව පොලිස් මූලස්ථානය සඳහන් කරයි.
එවැනි ආකාරයෙන් අසත්‍ය ප්‍රචාර පතුරුවන්නන් හඳුනාගැනීම සඳහා අපරාධ පරීක්ෂණ දෙපාර්තමේන්තුව වෙත පොලිස්පතිවරයා විසින් දැනටමත් නියෝග ලබා දී තිබේ.
මෙම කලහකාරී සිද්ධියට අදාළව සැකකරුවන් 19දෙනෙකු අත්අඩංගුවට ගෙන ඇතැයි ද පොලිස් මූලස්ථානය සඳහන් කරයි.
